پيام و ملاحظات محترم ايشانچ به نسبت قورلتای

افغانستان تورک تبارلری قوریلتای خصوصیده ملاحظه لر اوّلا، قوریلتای موفقانه اؤتگنینی برچه وطنداشلرگه ومللتداشلر گه مبارک باد ایته من . معروضه لر جوده زور، مضمونی بای،فکرلر تیرن بؤلدی. جناب البرزو وطندوست نینگ چیقیشلری هم یامان ایمس ایدی. باشقه مقاله لر اؤقیلگنیدن بیخبرمن . ایندی ، قوریلتای خصوصیده گی ایریم ملاحضه لریمزنی ایتسک: - فیدراسیون بیرار- بیر شخصیت نینگ نامی بیلن اتلمسلیگینی تکلیف قیلگن بؤلردیم . چونکی، بیر تاماندن انجمن نینگ اؤز نامی بار، باشقه طرفدن بو اولوغ داعیه هیچ بیر چیگره وچمبره گه سیغمیدی . - «تورک» و«تورکی» ایتنیک اتمه لرینی بیر- بیریدن دایم فرقلش کیره ک بؤله دی . تورک اتمه سی تورکیه خلقی نینگ نامی، تورکی اتمه سی ایسه 30 گه یقین تورکی تیللی ایللرنینگ نامیدیر. تورکالوژی دییلگنده هم انه شو نرسه کؤزده تو تیله دی . فیدراسیون فارسچه ایتیلگنده «تورک تباران» دیب ایشله تیلیشی یخشی جرنگلیدی. بو توشونچه بو گونگی کون ضرورتدن کیلیب چیقیب هزاره قومینی هم اؤز ایچیگه آله دی، بیرلشتیره دی . - قوریلتایده اؤزبیکچه یاکی تورکمنچه معروضه بؤلمه گنی، انجمن نینگ جدّی کمچیلیگی بؤلدی . اؤزبیکچه فکرلش، یازیش وسؤزلشنی ، آقساقال واربابلریمیز هم اؤرگنسه لر یخشی بؤلردی . حتا، هزاره قرداشلریمزنی هم اؤزبیکچه گه اؤرگه تیلیک، تشویق قیلیلیک دیگن فکرده من . زیرا، بیر مللتگه منسوب انسانلرنینگ اؤزگه و بیگانه تیلیده سؤزلشلری، ملاقات قیلیشلری یامان بؤلمسه یخشی هم ایمس،دیب اؤیلیمن . - قوریلتای سیاسی جلسه گه اؤخشمه گنی معقول البتته، ایزیم، ایزیملر گردابیگه توشمه سین ، دیمن ! - چیت ایللرده گی وطنداش ومللتداشلریمیزنینگ سانی انچه گینه .اولرنینگ هر قنده ی حرکتی ثمره سیز قالمسلیگی کیره ک . فکری محصولات و تولیدّن نیمه خبر؟ آنه تیلده یازیلگن کبوتر نینگ قناتیدیک متن هم بیز اوچون عزت وغرور بؤلماغی شرط . حضرت نوایی ایتگنیدیک: نامه اوچون خامه تراش ایله دیم ، خامه اوچون نامه خراش ایله دیم . ایندی، بو میدانده نامه هم خامه هم بؤی کؤرسه تیشی لازم . - قچانگچه اوغان ایشیک آقالری، تؤره وظالیملرینی قرغه ب یوره میز. لعنت نامه لر اؤقیش بیلن هیچ نرسه حل بؤلمیدی- کو. اولرگه قرشی فکرنی، غایه لرنی اؤرته گه تشله ماق کیره ک. - قوریلتای شبرغان قتل عامیدن بیرآزآلدینراق اؤتکزیلدی . بو- یخشی .امّا، جوزجان نینگ،اؤزبیک نینگ شهید کیتگن اؤغالانلری خاطره سینی قوریلتایاونیتیب قؤیگنگه اؤخشه یدی نظریمده . - افغانستان نینگ باش قانونیده تورکی خلقلر تیلی ، اؤزلری یشب تورگن یورتلرده رسمی تیل اؤله راق تن آلینگن. بو تیللر نیمه گه اؤزسلاحتیی دایره سیده ایشله میپدی؟ تورکی تیللرده گی متنلر نیگه باسمه(نشر) یوزینی کؤرمه یپدی؟ بونرسه لرنی تنظیم قیلیش ویؤنلتیریش بلکی، قوریلتای وظیفه سیگه کیرمسدیر. بو مساله لرقوریلتایده معمّا صفتیده کؤنده لنگ قؤییلیشی غایت مهمدیر. - انجمن مسووللری بیر نیچه جمعی اطلاعات واسطه لرینی اؤزلریگه قره تیشلری کیره ک ایدی . قطار مصاحبه لراویشتیرلیشی شرط سنله دی . بونده ی حساس سنه ده قوریلتای لااقل منطقه مطبوعاتی تیترلرینی ایگلله شی کیره ک ایدی . - جنوبی تورکستان تاریخی اتمه سینیی کؤپ بار تیلگه آلیش واونی تبلیغ قیلش، قنچه لیک مهم وضرورلیگینی ایسدن چیقرمسلیک ضرور، دیب اؤیلیمن . - - مینگه قیلسنگ یوز جفا بیر قتله فریاد ایله مام، ایلگه قیلسنگ بیر جفا مینگ قتله فریاد ایلرم . دییدی سؤز ملکی نینگ سلطانی علیشیر نوایی . شو معناده یعنی اؤزلیکنی انگلش بابیده هم بیرایکّی آغیزسؤزایتیلسه یامان بؤلمس ایدی . پشتون کوت؟ افغان کوت؟ میر ویس مینه ؟ سلطانکوت؟ شولگر،شینکی؟ وینه اونلب شونده ی ناملرتورکستان بغریگه سنچیلگن خنجر دیر.ایندی شو ناملردن قوتلیش وقتی ییتمه دیمی ؟ - صحبتلرنی سیاسی کتگوریلردن کانکریت حیاتی مساله لرگه بورماق وقره تماق کیره ک . تورکی زبانلرنینگ باله لری قچان اؤز آنه تیللریده مکتب وعالی اؤقو تحصیلیدن بهرمند بؤله دیلر. بو هم جدی معمّا دیر. تورکی تیللی خلقلرنینگ اولوغ انجمنیگه اولکن موفقیتلر تیلب قاله من. ذ. ایشانچ