پيام دكتور فيض الله ايماق عنوانی فدراسيون فرهنگی

داکتر فیض الله ایماق- تورنتو- کاناد

باغ وطن

وطنداش باغینگه بیر نهال قده ***** بونهال نامینی یخشی لیک اته
نهال نینگ یانیگه بیرگل ایکیب قوی ***** بوگل نینگ نامینی گوزه لیک دیب قوی
گل ونهالینگگه بخش ایتیب حیات ***** سو بیروبوسوگه مهردی قوی آت
سیندن فرزندینگه باغ قالسین ایدوست ***** باغینگ وطن دیگن نام آلسین ایدوست

السلام و علیکم افغانستان تورکلری مدنی فدراسیونی نینگ محترم رییسی داکترهمت فاریابی جنابلری!
اولا" بارسیزنی 2008 نچی ییل می آیی نینگ 17 نچیسیده هالنده تشکیل تاپگن قورلتایده، افغانستان تورکلری مدنی فدراسیونی رییسی صفتیده سیلنگنینگیز مناسبتی بیلن مبارکباد ایتیب، مدنیتیمیز، تیلیمیز وادبیاتیمیزرواجی یولیده گی آلیب باره دیگن کیلگوسی ایجادی ایشلرینگیزده،یره تگندن اولکن موفقیتلرو آمدلر تیله ب قاله من .

حرمتلی رییس جنابلری!
مین «افغانستان تورکی خلقلر مدنی فدراسیونی»نی (وطن باغی) باغبانیگه گه قیاسله یمن.باغده گی تورلی- تومن گللرنی ایسه اولکه میزده استقامت قیله یاتگن خیلمه- خیل اوریغ- ایماقلرمدنیتی، تیلی وادبیاتی دیب، بیله من. گللرونهاللرنی سولیب کیتیشدن نجات بیریش مقصدیده ، اولرنی مهر- شفقت سووی بیلن یوغدیلریلگن آب حیات بیلن سیرآب وپرورش قیلیشی نیتیده بو مدنی فدراسیون اورته گه کیلگن دیسک، مبالغه بولمه یدی.

حرمتلی رییس!
کیزی کیلگنده شونی ایتیب اوتیش کیره ککه،تورکی تیلی، جهان تیللری مابینیده اینگ قدیمی وقاعده لی تیل سیره سیگه کیره دی. ایلکبار انسانلر بو تیلده سوزلشگن وجهان تیللری نینگ اکثریتی،تورکی ایلدیزگه مالکدیر.
بو تیل ییگیرمه مینگ ییلیک تاریخگه ایگه بولیب،قدیمی قیزیل تیریلیکلر،قریب ییگیرمه مینگ ییل مقدم ،مرکزی آسیا(مغولستان شرقی منطقه)لریدن شرق تمانیگه یول آلگنلریده،«برینگ »آره لیغی آرقه لی امریکا آلاسکاسیگه ییتیب بارگنلریده،تورکی تیلیده سوزله شر ایدیلر. افغانستان نینگ اتاقلی یازوچی وتاریخچی عالمی پروفیسر داکتر عنایت الله شهرانی اوزی نینگ(تاریخچه ی نژادها واقوام درافغانستان)اثریده شونده ی دیگن:
«بوگونگی کونده جهانده اوچ یوز میلیوندن آرتیق خلق، تورکی تیلیده سوزله شه دی.اونگه کوره افغانستانده گی تورکی خلقلر سانی،بیز اکثریت میز ادعاسی بیلن،امتیاز خواهلاوچی خلقلر سانیدن کوپدیر. شونی ایسله تیب اوتیش لازم که، تورکی تیلینی توزیشده اینگ مشکل فورموللردن فایده له نیلگن.(نیکتاهایدین) خانم«یورتوم» ناملی اروپا لیک موسسه سی نینگ تیل شناسی گپیگه قره گنده،انسان،بوتیل نی ایشله ب چیقاریش کوچیگه قادربولمه گن پیتیده، کوک ده گی موجودات،بوتیلنی یره تیشگه اورینگنلر.

پروفیسر رولند پوکتی ادعاسیگه کوره، کیله جکده نیچه اون ییلر دن سونگ،ییر کرره سی اهالی سی وفضاموجوداتلری ارا علاقه باغله نیب،ییر کرره سی انسانلری وفضا انسانلری اورته سیده اوچره شیش امکانیتی پیدا بوله دی.قیزیل تیریکلرگه کوره،اولر باشقه کرره دن ییرکرره سیگه کیلیشگن. گوک تورکلر یعنی آسمان تورکلری،خاقان نی آسماندن توشگن دیب اویله شه دی.
شو ییرده تورکی تیلی بولینمه لری حقیده توخته لیب اوتماقچیمیزکه،تورکی تیلی قوییده گی (6)گروهگه بولینه دی.هر گروه ایسه اوزیگه خاص شیوه- لهجه گه مالکدیر:
-1 اوغوز تورکی سی،2- قبچاق تورکی سی،3-سایبریا تورکی سی،4- قارلوق تورکی سی،5- ساحاد(یاقوت) تورکی سی،6- چاوواش تورکی سی.
تورکلرنینگ تورلی قوملری جهان نینگ 8 ینگی مستقللیککه ایریشگن جمهوریتلرو20دن آرتیق جمهوری وخود مختارمملکتلرده استقامت قیلیشه دی.
محمد صادق نایبی اوزی نینگ(یکهزار واژه ی اصیل تورکی در پارسی) کتابیده شونده ی یازه دی : «انگلیس تیلی تکنولوژی تیلی بولیشیگه کوره،کوپ تیللرنینگ علم- فن سوزیلیکلرینی تشکیل بیره دی.یاکه عرب تیلی اسلام مفکوره سینی اوزلشتیرگن تیل صفتیده،جهان مسلمانلری مذهبی سوزلیکلرینی افاده لاووچی تیل حسابله نه دی.تورکی تیلی سوزلاووچیلری ایسه،مینگ ییللر دوامیده،شرق عالمیده حکومت قیلگنلری،انگلیس،اسپانیا،چین،روس،آلمان وباشقه خلقلرنی اوزبیراغی آستیده سقله گه نی باعث،تورلی تیللرده،اورنی یققال نمایان بولیب توریبدی،البته.»
اساسا" تورکی تیلی نینگ ایزی سیزیلمه یدیگن تیل،ییر کرره سیده یوق دیسک،مبالغه بولمه یدی.بو باره ده چقوروهرتمانله -مه تدقیقات آلیب بارگن علملیک وبیلیملیک اروپالیکلر شونده ی خلاصه چیقریشگن: ایتالیا تیلی نینگ 40% ،انگلیس تیلی نینگ 20% ،آلمان تیلی نینگ 17% و... تورکی سوزلیکلرو لغتلردن تشکیل تاپگن.
اگر تورکی بولمه گنده، مذکور تیللرنینگ بیر قسمی آلیب تشله نر ایدی. جان استوارت شونده ی دیگن:
«اگر استعمار بیر ملتنی اوزیگه قره م قیله دیگن بولسه،بیرینچیدن،اوملت نینگ اوزلیگی(هویت) وتیلی نینگ رواجله نیشیگه توسقینلیک قیله دی،چونکه،اقتصادی واجتماعی استثمار واستعمار،مدنی وفرهنگی استعماردن باشله نه دی.»
مینگ افسوسلر بولسین که،جهان بوله ب تورکی خلقلر مدنیتی وتیلینی گلله ب- یشنه تیشیگه اوتگن دورلرده،بعضی بیراستعمارچی دولتلر ضدیت کورسه تیب کیلگن. الله گه مینگ قتله شکرانه لر بولسین که،آنه تیلیمیز بولمیش تورکی تیلی افغانستان باش قانونی نینگ تصویب قیلیش قورلتایی«لویه جرگه» سیده تورکی خلقلر استقامت قیله یاتگن ولایتلریده،اوچنچی رسمی تیل صفتیده تن آلیندی.تیلیمیزنینگ رسمیلشتیریلیشی بیز تورکی زبان خلقلر اوچون اولکن یوتوق حسابله نه دی.شونینگ دیک افغانستان تورکلری مدنی فدراسیونی نینگ تشکیل تاپیشی هم بیز اوچون کتته بختدیر.

دیمک،بیز بو مدنی فدراسیون نینگ تشکیل تاپیشی نی خارجده گی وطنداشلریمیز وآنه وطنیمیزبولمیش گوزه ل افغانستان خلقلری،اینیقسه تورکی زبان اولوسی مدنیتی،تیلی وادبیاتی نی گلله ب- یشنه تیشده سو- هوا دیک ضروردیب، بیله میز.