پيام پروفيسور محمد نظيف شهرانی بمناسبت تآسيس فدراسيون فرهنگی

DEPARTMENT OF NEAR

EASTERN LANGUAGES
AND CULTURES
-----------------------------
INDIANA UNIVERSITY
2008 - 05 - 15
بسم الله الرحمن الرحيم

قدرليك و عزيز ايلداشلر السلام وعليكم و رحمت الله !
بو قوتلو ايغيليشدی چين دلدن جنابلريگه تبريكلی من و اوزوم بو مجلس گه حاضر بوله آله مگنم اوچون عذرلر تيلی من و اميدم بار دور كه كيچرسنگيزلر و قزغين سلاملريمدی قبول قلسانگيزلر .
خداگه شكر كه مينی كته اكم و دوستم دكتور عنايت الله شهرانی من دن هم نمايندليك قله آله دورلن وايشلرينگيزنی نتيجه سينی منگه هم ايتيب بيردورلر .
مينی فكر و اويمچه حاضرگی شرايط ده عملی و تيزدن آشريش و ايلدم نتيجه ايريشی تيگان نرسله بيلان ايش دی باشلش كيرك .
شول اوچون من حرمت بيلان التماس قلرمن كه اوشبو نرسه لرگه كوپراغ توجه قليش كيرك !
۱ - اينگ مهم و ضرور قليتگان نرسه خلق ميز اوچون بوكون نيمه نرسه لر دور ؟
۲ - بيزدی ايليميز اوچون كيله جك ايستك لريميز نيمه دور؟ و بيز اوزيمز قندای شو استكلردی قول گه آله گيليش اوچون ريجه لر و برنامه لر توزتيب عمل و حركت گه چقه آله لميز؟
۳ - حاضر دكی خلقميزنی اينگ مهم قيينچليكلری و معمالری تورلی ساحه لرده - معارف ، اقتصاد ، سياست ، اسكان و باشقه نيمه دور و حل يولری يقين ، اورته و اوزاق مدت ده نيمه بولش ممكن ؟
آرمان و آرزولر حدين هم كوپ ، اما اولردی درجه بندليك قليش كيرك و اوندين هم مهم راق هر بير ايستك و آرمان دی كچرش اوچون عملی ستراتيژی و تاكتيك تعيين قليش وتاپيش كيرك .
بويوك وعالی جمعيت بو نسل دی جگتلرينی مسئوليت لرينی كوزگه آليب ، خدا خوهله سه ، ايليميزدی حاضرگی آغر حالت لردين نجات بيريش اوچون ، و كيله جك نسل لردی اينگ بويوك آرمانلرنی قول گه ال كيلتريش اوچون و آنگ بيريش يولرينی كورستو وهم عملی رهبرليك قليش گه كته باسقيچ لرينی كوترسنگيزلر .
تينگری تعالی دين سيزلرگه موفقيت لر و بختيارليك ايستی من .

برادرينگيز محمد نظيف شهرانی

اداره فدراسيون از تآخيرنشر اين پيام معذرت ميخواهد