خانم فرشته ضيائی
1979 میلادی ییلی و جولای آیی گه جمال الدین ضیایی و بی بی جان ضیایی لر آیله سی ده ، مزار شریف شهریگه دنیا گه کیلدیم. قاضی ضیا الدین ضیا و حاجی مامور عبدالحکیم سرپلی لرنینگ نبیره سی بولیب بویوک بیر عایله بغریده اوسدیم. مزار شریف ده تجربوی لیسه نی بیتریب 1997 م گه طب فاکولته سینی اوقیماغ گه باشله دیم. 1998 م بهاری گه طالب لرنینگ باسیب کیلگنی اوچون عایله بیلن بیرلیکته اولکم دن ایریلدیم. 2001 م ییلی گه تخاردن بولگن شریف ارغون بیلن تورموش گه چغدیم. یولداش و آتیلا آتلری گه ایکی اوغلیمیز بار. 2003 م ییلی تورموش ارقداشیم بیلن بیرلیک ده سویدن اولکه سیگه کیلدیگ و حاضر هم شو اولکه ده یشیمن.
1992 م ییلی اوزبیگچه و فارسچه تیللری گه شعر و قسقه داستان یازماغگه باشلدیم. بیر نیچه ادبی و فرهنگی انجمن لرگه عضو بولیب 1997 م ییلی طب فاکولته سیگه اوزبیگ یاشلر بیرلیگی ده فعالیت کورساتیب کوزگو (آیینه) جریده سینی آچتیک. شعرلریم افغانستان، تاجیکستان ، ایران، فرانسه و سویدن ده ایری گزیته لر و توپلم لر ده چاپ بولیب کیلگن اما بیر مجموعه گه چیغارمگن من.
2004 م ییلی هزاره سویداش لرمیز بیلن بیرلیکده گوتنبرگ شهریده فرهنگی و اجتماعی فعالیت لرگه باشلب 2005م ییلی باشکان صفتی گه اوشبو درنک(انجمن) ده تنلندیم و اونلر چه سیمینار و ایغیلیش دی سازمان بیریب خاتین لر،باله لر و یاشلر نینگ قیین چیلیک لرینی چوزماغگه حرکت قیلدیگ. 2007 م ییلی نینگ سونی ده پناهنده لر اوچون سویدن بوییچه افغانستان ملتجع لرنی قورومه فدراسیونی ( فدراسیون حمایت از پناهجویان افغانستان در سویدن ) نی 5 درنک و ایریم یاردم سیور وطنداش لر بیلن بیرلیکته اورته گه کیتیریب باشکان(رییس) صفتی گه تنلندیم. باشقه سویدنی،تورکی، ایرانی و کوردی حزب لر و درنک لر بیلن ایش بیرلیگی قوروب ، کوپ عایله لر و ییگیت لرنی قانونی بیر شکل ده یاردم قیلیب اولکه دن چیغاریش لریگه مانع بولدیگ. بو اره ده سویدن ده گی بیر نیچه فرهنگی و اجتماعی ارگانیزیشن لرگه عضو بولیب کیلماغده من.
حاضر سوسیولوژی بولیمیده اوقوچی . بونینگ یاننده اوز آنه تیلیم و تاریخیم دی چوقور راغ اورگنیب، تیل و ادبیات بوییچه فعالیت کورستماغ نیتی ده من. برچه یاش لردن ایستیمن که اوز آنه تیل لریگه اوقیماغ و یازماغ دی اورگنسینلر چونکه آته لر سوزی بار: هر تیل اوز ادبیاتی و هر ادبیات اوز تاریخی بیلن تیریگ قاله دی. بیلگی بیلن آیدین لنگن کوچ هیچ بیر قرانغه لیک ده باتمیدی. رحمت
Geen opmerkingen:
Een reactie posten