دکتور فیض الله ایماق ففتا نی کانادا گه انتخاب بولگن عمومی نماینده سینی بیاناتی

دکتور فیض الله ایماق ففتا نی کانادا گه انتخاب بولگن عمومی نماینده سینی بیاناتی
کانادا مملکتی ده «ففتا» بولیمیی نی آچیش ییغیلیشیده گی داکتر فیض الله ایماق نینگ بیاناتی
السلام علیکم عزیز وطنداشلر وتیلداشلر! اولاً بار سیزنی نوروز عالم بیلن صمیمی مبارکباد ایتیب، بو اولوغ ایامده سیزلرگه یره تگندن ، تن سلامتلیک، بخت - سعادت تیله ب ، جانه جان آنه وطنیمیز افغانستانگه ایسه، آسایشته لیک وفراوانلیک تیله یمن.بوگون کانادا مملکتی ، گووالف شهریده سیز قانداش برادرلریمیز اشتراکیده « ففتا» نینگ بیرینچی ییغیلیشی بولیب اوتماقده. بو ییغیلیشگه ایککی بویوک شخصیتلریمز امریکا قوشمه ایالتلری اندیانا ایالتی، همده کانادا مملکتی کلگری شهریدن تشریف بویورگنلر. بو جنابلر محترم پروفیسر داکتر عنایت الله شهرانی و استاد محمد ایوب ساعی بوله دیلر.اینگ اولا بو جناب لرنینگ اوزاق منزللرنی باسیب کیلگنلری اوچون تشکرلر اظهار ایتیب، قدملریگه حسنات دیمن.محترم دوستلر! بو ییغیلیشده سیز تماندن مذکور فدراسیون نینگ کانادا بویله ب وکیلی « نماینده » سی سه یلندی . سیز، بو، سه یلاوو ده بیر آوازده کمینه « ایماق» نی کانادا بویله ب ( افغانستان تورکلری مدنی فدراسیونی )عمومی رییسی ایتیب سه یله دینگیز. دیمیک مینینگ ذممگه ینه ده یوکسک، مسوولیتلی مدنی وظیفه لر یوکلندی. مین بو آغیر و مسوولیتلی بورچ نی به جان ودل قبول قیله من البته.عزیز آغه - اینیلر!مینی وکیلینگیز ایتیب ، سه یله گه نینگیز مناسبتی بیلن چیندلدن تشکر بیلدیره من . سیز نینگ مینگه نسبتا ً بیلدیرگن ایشانچینگیزنی آقله یمن ، خدا خواهله سه. مین سیز نینگ خذمتگارینگیز من. «من چاکر شما هستم برادران گرامی! » اجازتینگیز بیلن تورک اوزبیک خلقی مدنیتی نی رواجلنتیریش یولیده گی عملگه آشیرگن کمترین خذمتلریمنی قیسقه چه ، ایسله تیب اوتماقچیمن . کمینه - اندخوی نینگ قورغان تومه نی، باغبوستان قیشلاغیده بیر کمبغل اما،مدنیت سیور عایله سی ده تولد تاپدیم . تورک اوزبیک فرزندی من. ایلک مراتبه، هجری ۱۳۵۰- نچی ییلی ، افغانستان رادیوسی قاشیده محلی راد یو دستورلر، جمله دن تورک اوزبیک -تورک تورکمن تیللریده گی برنامه لر اساسچی سی و نطاقی صفتیده خذمت قیلدیم. رادیو ایشیتتیریشلر ده عمر یولداشیم بی بی حاجی انابت ایماق مینگه یانمه - یان یاردم بیریب کیلگن. ایلک مراتبه « خلق در دانه لری» ناملی کتابیم، اوزبیک - دری تیللریده ۱۳۵۹- ییلی کابلده باسیلیب چیقدیایلک مراتبه، اونله ب اوزبیک وتورکمن خواننده لری نینگ قوشیقلری ، اینیقسه ، فولکلور ژانریده گی قوشیقلرینی، رادیو افغانستان ستدیولریده ثبت .ایتیردیم ایلک مراتبه ، مین ، اعیالیم و قیزیم بیلن بیرگه لیکده ، تاشکند رادیو سی ده اوزبیک ، دری و پشتو تیللریده نطاقلیک قیلیب، افغانستان خلقی، اینیقسه ، تورکی خلقلری مدنیتی نی جهانگه تنیشتیریشگه حرکت قیلدیک . ایلک مراتبه ، « خلق دردانه لری » ناملی کتابیم تاشکندده کریل – سریلیک .خطی ده باسیلیب چیققن دن سونگ، مرکزی آسیا خلقلری، افغانستان اوزبیکلری آغزه کی ادبیاتی در دانه لریدن خبردار بولدیلر. ایلک مراتبه ، تاشکندده ( افغانستان اوزبیکلری آغزه کی ایجادلری )عنوانی آستیده تدقیقات آلیب باریب، ، دوکتورلیک علمی درجه سینی آلیشگه موفق بولدیم. ایلک مراتبه ، تاشکند ده « سوزوان » ناملی کتابیمنی چاپ ایتتیردیم. ایلک مراتبه « سوزوان »‌ قوشیقلری یازیلگن «سی دی» نی تاشکندرادیو سی ستدیولریده تیار له دیم. ایلک مراتبه ، تورک اوزبیک – تورک تورکمن آغزه کی ادبیاتی نمونه لری، مینینگ یاردمیم بیلن ، کانادا مملکتی، تورنتو شهریده باسیلیب چیقه دیگن « اندیشه ی نو » آینامه سیده باسیلیب چیقماقده.( ۲۰۰۶- نچی ییل دن باشله ب حاضرگه قدر ) ایلک مراتبه افغانستان تورک اوزبیک خلقی آغزه کی ایجادینی ترغیبات قیلیش مقصدیده ، ویب سایت آچیشگه موفق بولدیک. بو سایت ده افغانستان تورک اوزبیک شاعرلری حیاتی وایجادینی تنیشتیریش نیتی ده «ادب گلشنی » نامی آستیده رادیو میز هم بار. ویب سایت آدرسی قویده گیچه :http://www.dordanalar.info/ ایلک مراتبه ، افغانستان تورک اوزبیک شاعرلری حیاتی وایجادیگه عاید مقاله لریم اوزبیک ودری تیللریده ، تورنتو شهریده باسیلیب چیقه دیگن « آشیان » ، « اندیشه ی نو» و« نایاب» مجله لری ،همده استانبول ده هر ییلی بیر مراتبه چاپ بوله دیگن ( بیدلستان و گلدسته« ایککی کتاب بیر جلدده » ) مجموعه سیده ، اوزیل- کیسیل چاپ بولماقده. ایلک مراتبه « ۲۰۰۶- ییلدن باشله ب » ( نوید ) دستوری ، (آریانا افغانستان )خلق ارا تلویزیونی آرقه لی اوزبیک تیلی ده کورسه تو لرنی یولگه قویدیم . ایلک مراتبه، ( افغانستان ملی تلویزیونی) اوزبیک پروگرامی آرقه لی سه شنبه گونلری تورنتو وقتی بیلن ایرته له ب ساعت ۶:۴۵ ده ترقه له دیگن ( فولکلور- خلق قلبیده گی دینگیزدیر) دستوری نی آچیشگه موفق بولدیم ۲۰۰۹- ییل ۲۴- مارچ کونی۱۲- نچی نمبر تیارله ب جونتگن برنامم مذکور تلویزیوندن نشر بولدی.ایلک بار، تورنتو شهریدن ترقه له دیگن( سیمای شرق) دستوری،( پیام افغان ) چینلی آرقه لی چهارشنبه کونلری تورنتو وقتی بیلن کیچ ساعت ۷-۹ده نشر بوله دیگن « آیدین» کورسه توولرینی آچیشگه موفق بولدیم.عزیز وطنداشلر و قدردان مهمانلر!دانا خلقیمیز ده « خلق – یخشیلیک نی اونیتمس » دیگن مقالی- ضرب المثلی بار . بو گون مین شو ضرب المثل نینگ حیاتده تطبیق بولیشی، اوز عکسینی تاپیشینی ، شاهدی بولدیم، دیسم مبالغه بولمه یدی.بوگون سیز وطنداشلر، مینینگ یوقاریده گی کمترین مدنی ایشلریمنی انابت گه آلیب «ففتا» نینگ کانادا بویله ب وکیلی ایتیب ، سیله گه نینگیز- بیر نیچه عصر آلدین آته- بابالرینگیز تمانیدن ایتیلگن مقالگه رعایه ایتگه نینگیزدن یارقین دلیل دیر .هه، خلق- یخشیلیکنی اونیتمس ایکن ، هیچ قچان ! محترم ایلداشلریم! ینه بیر کرره، سیزدن اوز منتدار چیلیگیمنی ، اظهار ایتیشگه رخصت بیرگه یسز.حاضر ایسه ، اجازتلرینگیز بیلن تورک تیلی، تاریخی واونینگ منزلتی حقیده قیسقه چه ، سیزلرگه معلومات بیرماقچی من :تورک تیلی تاریخی واونینگ منزلتیتورک تیلی، جهان تیللری مابینی ده ، اینگ قدیمی وقاعده لی تیللر سیره سیگه کیره دی.ایلکبار انسانلر بو تیلده سوزلشگن وجهان تیللری نینگ اکثریتی ، تورکی تیلی ایلدیزیگه مالکدیر. بو تیل ییگیرمه مینگ ییللیک تاریخگه ایگه بولیب، قدیمی قیزیل تیریلیکلر قریب ییگیرمه مینگ ییل مقدم، مرکزی آسیا( شرقی مغلستان) منطقه لریدن ، شرق تمانگه یول آلگن لریده (برینگ ) آره لیغی آرقه لی امریکا الاسکاسیگه ییتیب بارگنلری ده، تورکی تیلیده سوزله شر ایدیلر .افغانستان نینگ اتاقلی یازوچیسی، تاریخچی دانشمندي پروفیسر داکتر عنایت الله شهرانی ، اوزی نینگ (تاریخچه ی نژاد ها واقوام در افغانستان ) اثریده شونده ی یازه دی : بو گونگی کونده جهانده اوچ یوز میلیوندن آرتیق خلق، تورکی تیلیده سوزله شه دی. شونینگ دیک، افغانستانده استقامت قیله یاتگن تورکی خلقلر سانی ، باشقه قوم وایلتلردن کم ایمس،- دیسک مبالغه بولمه یدی شونی ایسله تیب اوتیش کیره ککه ، تورکی تیلی نی توزیشده، اینگ مشکل فورموللردن فایده له نیلگن. نیکتاهایدین خانم « یورتوم » ناملی اروپالیک موسسه سی نینگ تیلشناسی گپی گه قره گنده ، انسان ، بو تیلنی ایشله ب چیقاریش کوچیگه قادر بولمه گن پیتده، کوکده گی موجودات ، بو تیلنی یره تیشگه اورینگنلر.شو ییرده تورکی تیلی بولینمه لری حقیده توخته لیب اوتماقچی من . بو تیل قوییده گی آلتی گروه گه بولینه دی :اوغوز تورکی سی۲- قبچاق تورکی سی ۳- سایبریا تورکی سی ۴- قارلوق تورکی سی ۵- ساحاد یا یاقوت تورکی سی ۶- چاووش تورکی سی.افغانستان نینگ بویوک یازوچیسی وتدقیقاتچیسی برهان الدین نامققه کوره ، تورکی تیلی قوییده گی ۱۶ شیوه- لهجه یا که تیل گروهیگه بولینه دی : یاقوتلر، چاووشلر، قیرغیز، قزاق ، شرقی تورکستان تورکلری یاکه ، اویغورلر،اوزبیکلر، تورکمنلر ، قازان تورکلری ، باشقرد ، غرب تورکلری، تورکیه تورکلری ،آذربایجان ، عراق وسوریه تورکلری ، قفقاز شمالیده گی تورکلر ( قوموق- نوقای )، کریمیه تورکلری، بالقان تورکلری، قاقاوزلر یا گوک اوغوزلر( رومانیه ده گی مسیحی تورکلر) آلتای تورکلری، خاکاس تورکلری، آبا قان ، تووا یا سوبون تورکلری. بو تورکی تیللری وشیوه لری آره سیده فقط یاقوت وچوواش تیلی باشقه تیللردن فرق قیله دی.تورکلر نینگ تورلی قوم لری جهان نینگ (۸) ینگی مستقللیککه ایریشگن جمهوریتلر و (۲۰) دن آرتیق جمهوری وخود مختار مملکتلرده استقامت قیلیشه دی.آذربایجانلیک عالم محمد صادق نایبی اوزی نینگ (یک هزار واژه ی اصیل تورکی در فارسی) کتابیده شونده ی یازه دی :انگلیس تیلی تکنالوژي تیلی بولیشیگه کوره، کوپ تیللر نینگ علم - فن سوزلیکلرینی افاده لاووچی تیل حسابله نه دی. تورکی تیلی سوزلاووچی لری ایسه، مینگ ییللر دوامیده شرق عالمیده حکومت قیلگنلری ، انگلیس، اسپانیا ، ختای ، روس ، آلمان و باشقه خلقلر نی اوز بیراغی آستیده سقله گه نی باعث ، تورکی تیللر اورنی یققال نمایان بولیب توریبدی ، البتته.اساساً تورکی تیلی نینگ ایزی سیزیلمه یدیگن تیل ، ییر کُرره سیده یوق دیسک مبالغه بولمه یدی. بو باره ده چقور وهر تمانله مه تدقیقات آلیب بارگن علملیک وبیلیملیک اروپالیکلر شونده ی خلاصه چیقرگن :ایتالیا تیلی نینگ ۴۰ ٪ ، انگلیس تیلی نینگ ۲۰ ٪ ، آلمان تیلی نینگ ۱۷ ٪، وباشقه تیللر هم تورکی سوزلیکلر ولغتلردن تشکیل تاپگن. اگر تورکی تیلی بولمه گنده ، مذکور تیللرنینگ بیر قسمی آلیب تشله نر ایدی.آذربایجانلیک عالم محمد صادق نایبی نینگ ( یک هزار واژه ی اصیل تورکی در فارسی ) کتابیدن فارسی تیلیده ایشله تیله دیگن تورکی لغاتلردن مثال کیلتیرماقچی من :آیین: اویون = جشن معنا سیده . ختای تورک لری نینگ اینگ قدیمی جشنی بولمیش بیره م لریدن حسابله نه دی. آتش: آت( آتماق- انداختن) + یش = پرتاب دوطرفه ، جرقه .اوتو: اوت ( اوتمک = پاک کردن ، زدودن ناپاکی، به آتش گرفتن پشم. وسیله ی صاف کردن چین وچروک.آشامیدن: ( وام گرفته شده از مصدر تورکی ) آشاماق ( خوردن) معادل فارسی آن نوشیدن .آغاز: آغیز ( دهان، مطلع، ابتدای هر چیز) .شونینگ دیک، اتاق ، اُ جاق، اخته، آذوقه ، اوردک ، اردو، آرزو، استاد، آستر، آستین، آسمان ویوزله ب تورکی لغتلر فارس تیلی ده ایشله تیله دی. پروفیسر داکتر قیام الدین راعی برلاس گه کوره، بعضی بیر مغل و تورکی سوزلیکلری پشتو تیلیده فایده له نیب کیلماقده. مثال صورتده :خان: بو سوز مغل لرنینگ لقبی صفتیده فایده له نیب ، مملکت نینگ بیرینچی شخصی گه ایتیله دی. بو سوزنینگ معادلی- شاه دیر. خان نینگ زوجه سی - عیالی خانم بوله دی. یعنی ملکه .شونینگ دیک ، بیک، تورک قبیله لری نینگ رییسی لقبی دیر.رییس نینگ اعیالی بیگم . بو لقب، هند وپاکستان مسلمانلری اورته سیده کینگ طرزده فایده له نه دی.اولوس: مغول تیلیده (ملت) معنا بیره دی. پشتو تیلیده هم شو معنا ده ایشله تیله دی. اولوسی جرگه. ملی مجلسگه ایتیله دی.لوی: مغول تیلیده تمساخ معنا بیره دی. مجازی معناده (بزرگ ) دیر.آنا- آنه: تورک تیلیده (مادر) معنی بیره دی. بو سوز پشتو تیلیده هم ایشله تیله دی . نازو آنا. احمد شاه درانی نینگ آنه سی.اتن: آتماق دن آلینگن. تورکی تیلیده ( انداختن ، دست وپا انداختن ) معنی بیره دی. بو گونگی اتن ملی ، تورکیه نینگ شمالی منطقه لریده ملی رقص صفتیده تانیلگن.خیل: ( عشیره- طایفه) معنی بیره دی. طوطا خیل، ابراهیم خیل. بو کلمه ایل شکلیده ایران مغوللری اورته سیده فایده له نیلگن. کوچ: کوچی (چادر نشین) کوچماق سوزیدن آلینگن.یرغل: مغل تیلیده ( حمله- تجاوز ) معنی بیره دی. اونله ب، بونده ی مثاللرنی کیلتیریش ممکن.قدردان وطنداشلر وتیلداشلر !جان استوارت شونده ی یازه دی :اگر استعمار بیر ملتنی اوزیگه قره م قیله دیگن بولسه، بیرینچیدن اوملت نینگ اوزلیگی (هویت ) وتیلی نینگ رواجله نیشیگه توسقینلیک قیله دی . چونکه اقتصادی واجتماعی استعمار ، مدنی وفرهنگی استعمادن باشله نه دی . مینگ افسوسلر بولسین که ، جهان بویله ب تورکی خلقلر مدنیتی وتیلی نینگ گلله ب یشنه شیگه اوتگن دورلرده و بو گونگی کونده هم بعضی بیر استعمار چی دولتلر ضدیت کورسه تیب کیلگن وکیلماقده. الله گه مینگ قتله شکرانه لر بولسین که ، آنه تیلیمیز بولمیش تورکی اوزبیکی وتورکی تورکمنی تیللری افغانستان باش قانونی نینگ تصویب قیلیش و کوچگه کیریش قوریلتایی ( لویه جرگه ) سیده ، تورکی خلقلر استقامت قیله یاتگن منطقه لریده،اوچینچی رسمی تیل صفتیده رسما ً تن آلیندی. محترم دوستلر! فدراسیون باره سیده گپیره دیگن بولسک، بیر ییل مقدم هالند اولکه سیده افغانستان تورکلری مدنی فدراسیونی تشکیل تاپگن ایدی. بو فدراسیونگه افغانستان نینگ ییتوک یازوچی سی، دانشمندی، دپلوماسیه ساحه سیده دوکتورلیک علمی مقام نی ایگلله گن داکتر همت فاریابی جنابعالی لری سیلنگن ایدی.میدیا ده چیققن خبرلرگه کوره ، مذکور فدراسیون نینگ کفالتخانه لری حاضرگه قدر، تورلی غرب مملکتلریده آچیلدی. بو گون ایسه - بیز- سیز بیرگه لیکده مذکور فدراسیون نینگ وکالتخانه سینی کانادا مملکتی ، آنتاریو ایالتی نینگ گووالف شهریده آچیش نیتیده ییغیلگن میز.دوستلر! مین گووالف شهرینی ، افغانستان نینگ تورکی زبان خلقلری استقامت قیله یاتگن اندخوی یا که، میمنه یاکه، شبرغان شهریگه تققاسله یمن. بو شهرده افغانستان نینگ تورکی زبان خلقلری توپلنگن. بو خلق ، یعنی سیزلر ،اوز آنه تیللری بولمیش تورکی اوزبیکی، تورکی تورکمنی تیللرده گپله شه سیز.شو نینگ دیک، گووالف خلقی نینگ برچه عنعنه لری ، رسم - رسوملری ، توی- حشملری و مرکه لری تورکانه اوزبیکانه، تورکانه تورکمنانه، اوتکه زیله دی. خواهی نخواهی ملی عنعنه لر، رسم - رسوملریمیز زمان اوتیشی بیلن اوزگه ریب باره دی. اینیقسه غرب نینگ ناجایز عادتلری، یاشلریمیزگه سلبی تاثیر کورسه تیشی ممکن.انه شونده ی ناروا عادتلرنینگ آلدینی آلیش، آته - بابالریمیزدن بیزگه میراث بولیب قالگن عنعنه لرنی سقله ب قالیش، و بای مدنیتیمز نی یاشلریمیزگه اورگه تیش ، آنه تیلیمیز وادبیاتیمیز نی رواجلنتیریش مقصدیده ، (افغانستان تورکلری مدنی فدراسیونی) تشکیل تاپگن دیسک ، مبالغه بولمه یدی. پس شونده ی ایکن ، بو فدراسیون نی جان و دلدن قولله ب- قوتله شیمیز درکار ، حمایه قیلیشیمیز لازم.محترم قرینداشلر!مدنی فدراسینیمیز نی حمایه قیلیش اوچون اینگ اولا نیمه قیلیشیمیز کیره ک بوله دی؟آته- بابالریمیزدن بیزگه میراث بولیب قالگن پندو نصیحتلرگه قولاق توتیشیمیز طلب قیلینه دی. آته لر سوزی – عقل نینگ کوزی مقالیگه رعایه قیلیشیمیز لازم بوله دی.آته لریمیز نینگ اتفاق بیتر، نا اتفاق ایتر -، دیگن بی بها ، دردانه سوزی بار. فدراسیونیمیزنی امان سقله ش اوچون ، هر بیریمیز دلیمیزده محبت ، صمیمیت، برادرلیک ، ایزگولیک تویغولرینی پرورش قیلیشیمز کیره ک بوله دی.حرمتلی برادرلر!مینینگ بیر فرهنگی شخص صفتیده، قاله ویرسه ، کانادا بویله ب سیزنینگ وکیلینگیز- خذمتکارینگیز صفتیده سیزلرگه وچیت ایلده گی فدراسیون محترم اعضالریگه ایته دیگن سوزیم شوکه، هر بیریمیمیز اهیل بولیب یشه یلیک. باغلریمیزگه صمیمیت ، دوستلیک وبرادرلیک چیچکلرینی قده ب ، اونی مهر، محبت ، ایزگولیک سووی- آب حیاتی بیلن سوغاریب، پرورش قیلیب ، بیر- بیراو لریمیزگه ساوغه قیله یلیک.شونینگ دیک، فدراسیون باقی لیگی ورواجی اوچون هیچ قچان مذکور فدراسیون یول - یوروغلریدن باش تارتمه یلیک.انه شونده گینه ، فدراسیونیمیز روجله نه دی، اعتبار قازانه دیاعتبارلرینگیز اوچون تشکر.