افغانستان تورکلرفدراسيوني بيرينچي قوريلتايي نينگ قوريليشي اوچون ميرزا اولوغ بيگ فرهنگي بنيادي نينگ پيامي !
بسم الله الرحمن الرحيم
مين ميرزا اولوغ بيگ فرهنگي بنيادي تمانيدن اوشبو يازوو آرقه لي افغانستان تورک لر فدراسيوني نينگ قوريليشي ني چين کونگول دن تبريک له يمن. اوشبو فدراسيون قوريليشي بوتون دنياده گي تورک لرينينگ بيرليگي و اولرنينگ باي و ايسکی فرهنگ و ادبياتيني ياريتيش اوچون اولکن آديملر کوتره دي ديب اميد ايته من.
عزيز دوستلر!
ميرزا اولوغ بيگ فرهنگي بنيادي ١٣٨٢ ييلدن باشلب اوشبو قيسقه مدت ايچيدهآز امکانيت بيلن اولکه ميزده گي ايسکي و ينگي فرهنگي و تاريخي اثرلرني چاپ ايتيب علاقمندلر اختياريگه قويگن.
اوشبو بنياد آرقه لي خواهله يميز کيلگوسي ده هم برچه فرهنگ سيور وطنداشلريميز و قلم ارباب لري نينگ ياردم لری بيلن تاريخي، ادبي و باشقه تور اثر لر ني چاپ ايتيب اولکه داشلريميز اينقسه تورک ضياء لي لري خدمتيگه قويسک .
مين ينه بير قتله اوشبو فدراسيون قوريليشي ني بيرينچيده فدراسيون باشليغي و باشقه اعضالريگه چين قلبيم دن مبارکباد ايته من.
حرمتلی دوستلر: فدراسيونگه کيلالمه گنيم اوچون کيچيريم تيله يمن.
حرمت بيلن
پوهنيار هدايت الله هدايت
اولوغ بيگ بنيادي نينگ رئيسي
Geen opmerkingen:
Een reactie posten